About
Rajiv Tambe

सातत्याने केवळ बालक -पालक आणि शिक्षकांसाठी काम .

“युनिसेफ” साठी शिक्षण सल्लागार म्हणून काम.

मुले, पालक व शिक्षकांसाठी देशात/परदेशात अनेक कार्याशाळांचे आयोजन.

मराठी, हिंदी, गुजराती व इंग्रजी भाषेतून पुस्तके प्रकाशित.

साहित्य अकादमी पुरस्कार. (नवी दिल्ली) २०१६ (बालसाहित्यातील विशेष योगदानाबद्दल)

सद्भाव पुरस्कार. साहित्य वेदी. कर्नाटक 2016.(बालसाहित्यातील विशेष योगदानाबद्दल)

ई-मेल me@rajivtambe.com

ओळख

वैशिष्ट्य

राजीव तांबे हे अनेक पुरस्कारांचे व मानसन्मानांचे विजेते लेखक, कवी, नाटककार, टीव्ही स्टार असून सातत्याने मुलांमध्ये व मुलांसाठी काम करणारे सर्जनशील बालसाहित्यकार आहेत. विद्यार्थ्यांसाठी, शिक्षकांसाठी, पालकांसाठी देशात आणि विदेशात त्यांनी अनेक कार्यशाळा घेतलेल्या असून अभिनव शिक्षणपद्धतींवरील भर हा त्यांचा विशेष आहे.

काही स्वयंसेवी संस्थांसाठी आणि युनिसेफसाठी शिक्षण सल्लागार म्हणून कार्यरत असताना महाराष्ट्रातील अनेक शाळांना त्यांनी भेटी दिलेल्या आहेत. तेथील शिक्षकांच्या कार्यशाळा घेतल्या आहेत. वर्गातील मुलांशी संवाद साधत गृहभेटी दिल्या आहेत. जिथे एसटी जात नाही अशा दुर्गम प्रदेशातील आणि वाडी-वस्त्यांवरील शाळांचाही त्यात समावेश आहे.

श्रोत्यांशी संपर्क साधण्याची त्यांची अनोखी आणि अभिनव हातोटी शब्दज्जड आणि पुस्तकी सिद्धांतांमधून आलेली नसून ती त्यांच्या समृद्ध आणि बहुविध अनुभवातून सिद्ध झालेली आहे. हेतूची शुद्धता जाणवल्यामुळे त्यांच्या श्रोत्यांची व वाचकांची नाळ त्यांच्याशी लगेच जुळते.

सामाजिक

गोष्टी, लेख, परिसंवाद, कार्यशाळा, टीव्ही शोज्‌ अशा विविध माध्यमांमधून ते मुलांपर्यंत पोहोचतात आणि आपल्या वाचकांना, श्रोत्यांना व प्रेक्षकांना जिंकून घेतात. मुलांच्या हिताविषयी आणि त्यांच्या भाविवश्वाविषयी त्यांना वाटत असलेली कळकळ प्रत्येकालाच भावते.

इतके सातत्य राखून विशेषतः केवळ मुलांसाठी कार्यरत असलेले लोक विरळाच आहेत. अनेक सन्माननीय विचारवंत आणि निष्ठावंत शिक्षक व लेखक समाजात आज आहेत परंतु गावोगावी प्रत्यक्ष मुलांमध्ये काम करणारे अभावानेच आढळतात. देशाच्या ह्या भागात राजीव तांबे ह्यांनी मुलांसाठी अनन्यतः केलेल्या कामाला तोड नाही.

राजीव तांबे ह्यांनी शून्य खर्चामध्ये तयार केलेल्या गणिताच्या आणि भाषेच्या खेळांमध्ये सहभागी होण्याची संधी ज्यांना मिळालेली आहे ते सुदैवी होत. अविस्मरणीय शुद्ध आनंदाचा आणि अभिनवतेचा असा प्रत्यय आपल्याला अन्यथा क्वचितच येतो.

तुम्ही शिक्षक, पालक असाल किंवा कॉर्पोरेट जगतातील प्रभावशाली व्यक्ती असाल तरीही तुमच्यात दडलेलं मूल राजीव तांबे ह्यांच्या सहवासात बाहेर येऊन कसं हुंदडायला लागतं हे अनुभवण्यासारखं आहे.

साहित्य

17 भाषांतून 89 पुस्तके प्रकाशित

कथा. कविता. कादंबरी. एकपात्रिका. द्विपात्रिका. एकांकिका. नाटक. संवादकथा. बोलक्या गोष्टी. विज्ञानकथा. विज्ञान प्रयोगकथा. विज्ञान वेधकथा. विज्ञान भयकथा. विज्ञान ट्रिककथा. फॅंटसीकथा. अंगाई कथा. रुपककथा. प्राणीकथा. साहसकथा. रहस्यकथा. फुग्यांचे खेळ. भाषेचे खेळ. गणिताचे खेळ. शून्य खर्चाचे विज्ञानाचे प्रयोग. शिक्षणविषयक लेखन. सुजाण पालकत्व. अनेक वृत्तपत्रांतून सातत्याने स्तंभलेखन. मासिकांचे संपादन.

मुलांसाठी इंग्रजी आणि मराठी गाणी व गोष्टींच्या कॅसेट्स.
मराठी, हिंदी, ऊर्दू, तेलगू, कन्नड, आसामी, गुजराती, बंगाली, इंग्रजी, नेपाळी, फ्रेंच, जर्मन, रशीयन, स्पॅनिश, नॉर्वेजियन, पोर्तूगिज, चायनिज (पारंपरिक) भाषेतून पुस्तके प्रकाशित.
‘एबीपी माझा’ या चॅनेलवर सलग 2 वर्षे पालकांसाठी लाइव्ह कार्यक्रम : “मुलांच्या विश्वात”
अनेक वर्ष सातत्याने केवळ बालक, पालक व शिक्षक यांच्यासाठीच लेखन व कार्यक्रम.

कलाकृती

युनिसेफचे शैक्षिणक सल्लागार
महाराष्ट्र राज्य पाठ्यपुस्तक निर्मिती मंडळाचे सदस्य
राष्ट्रीय शैक्षणिक धोरण आढावा समितीचे सदस्य
देशात आणि परदेशात अनेक परिषदांमधून पेपर्सचे वाचन
देशात आणि परदेशात मुले,पालक आणि शिक्षकांसाठी कार्यशाळांचे आयोजन.
"गंमतशाळा' ही संकल्पना मांडून प्रत्यक्षात तिचे रूपांतर एका हृद्य चळवळीत केले.
देशात आणि विदेशात पुस्तके प्रकाशित
अनेक राज्यस्तरीय आणि राष्ट्रस्तरीय पुरस्कारांनी सन्मानित
संपादक (बालसाहित्य), राजहंस प्रकाशन, पुणे.

पुरस्कार

द. का. बर्वे. उत्कृष्ट निर्मिती पुरस्कार. १९८८ (कवितासंग्रह)
महाराष्ट्र शासनाना उत्कृष्ट साहित्य पुरस्कार. १९८८-८९ (कवितासंग्रह)
मराठी बाल साहित्य परिषद पुरस्कार. १९८९ (कथासंग्रह)
बाल रंगभूमीचा उत्कृष्ट लेखन पुरस्कार १९९० (एकांकिका)
ग. ह. पाटील पुरस्कार (औरंगाबाद) १९९२ (बालसाहित्यातील विशेष योगदानाबद्दल)
मराठी बालकुमार साहित्य पुरस्कार १९९३ (एकांकिका)
उत्कृष्ट बाल साहित्य निर्मितीचा राष्ट्रीय पुरस्कार १९९३ (कथासंग्रह)
पुणे महानगर पालिकेकडून ‘सन्मानित’ १९९५ (बालसाहित्यातील विशेष योगदानाबद्दल)
भारत सरकारचा पुरस्कार १९९६ (बालचित्रवाणीच्या आनंददायी शिक्षण’ या कार्यक्रमास).
कोकण मराठी साहित्य पुरस्कार १९९७ (कादंबरी)
‘सावाना साहित्य पुरस्कार’ नासिक २००० (बालसाहित्यातील विशेष योगदानाबद्दल)
महाराष्ट्र शासनाचा उत्कृष्ट साहित्य पुरस्कार २०००-०१ (कथासंग्रह)
महाराष्ट्र शासनाचा उत्कृष्ट साहित्य पुरस्कार २००२-०३ (शैक्षणिक पुस्तक)
आगाशे पुरस्कार. बुलढाणा. २००२ (शैक्षणिक पुस्तक)
वा. रा. ढवळे. उत्कृष्ट निर्मिती पुरस्कार. २००३ (शैक्षणिक पुस्तक)
महाराष्ट्र शासनाचा उत्कृष्ट साहित्य पुरस्कार २००७-०८ (कथासंग्रह)
वा. अ. रेगे. ठाणे. उत्कृष्ट साहित्य पुरस्कार २००९-१० (पालकांसाठी पुस्तक)
‘गाडगीळ पुरस्कार’ मुंबई मराठी साहित्य संघ. २०१०-११ (कथासंग्रह)
महाराष्ट्र साहित्य परिषदेचा उत्कृष्ट साहित्य पुरस्कार २०११ (विज्ञानकथा)
महाराष्ट्र शासनाचा उत्कृष्ट साहित्य पुरस्कार २०११-१२ (विज्ञान प्रयोगकथा)
अध्यक्ष, कालिदास साहित्य संमेलन. सिडनी (ऑस्ट्रेलिया) २०१३
‘प्रा.शिरोळे पुरस्कार’ महाराष्ट्र साहित्य परिषद. पुणे. २०१३ (बालसाहित्यातील विशेष योगदानाबद्दल)
लोकमत बालसाहित्य पुरस्कार. २०१३. (प्राणीकथा संच)
अध्यक्ष, आखिल भारतीय मराठी बालकुमार साहित्य संमेलन. २०१३.
जीवन गौरव पुरस्कार. (नांदेड) २०१५. (बालसाहित्यातील विशेष योगदानाबद्दल)
श्री. श्रीपाद देशपांडे पुरस्कार. (पुणे) २०१५-१६ (बालसाहित्यातील विशेष योगदानाबद्दल)
साहित्य अकादमी पुरस्कार. (नवी दिल्ली) २०१६ (बालसाहित्यातील विशेष योगदानाबद्दल)
सद्भाव पुरस्कार. साहित्य वेदी. कर्नाटक 2016.(बालसाहित्यातील विशेष योगदानाबद्दल)